কলিয়াবৰত দুদিনীয়া কাৰ্যসূচীৰে আয়োজন কৰা মেডাম-মে-ফি উৎসৱৰ আজি সফল সামৰণি

কলিয়াবৰ, ৩১ জানুৱাৰীঃ সদৌ তাই আহোম ছাত্ৰ সন্থাৰ কলিয়াবৰ আঞ্চলিক সমিতিৰ উদ্যোগত দুদিনীয়া কাৰ্য্যসূচীৰে কলিয়াবৰৰ শিলঘাট-মাউত গাওঁত অনুষ্ঠিত কৰা মে-ডাম-মে-ফি উৎসৱৰ আজি সফল সামৰণি পৰে। আহোম ৰ'য়েল চ'ছাইটি, তাই আহোম পুৰাতাত্ত্বিক সম্পদ সংৰক্ষণ সমিতি আৰু স্থানীয় ৰাইজৰ সহযোগত আহোম ৰাজত্ব কালৰ ঐতিহাসিক শিলঘাট শ্যামলাগৰত আয়োজন কৰা হয় মেদাম-মে-ফি উৎসৱ। শ্যামলী গড়ৰ ওপৰতে আয়োজন কৰা মেদাম-মে-ফি উৎসৱত আহোম সম্প্ৰদায়ৰ পূৰ্ব পুৰুষক স্মৰণ কৰি  ফুৰালুং পূজা অনুষ্ঠিত কৰাৰ পাছতে কালি মেদাম-মে-ফি উপলক্ষে অনুষ্ঠিত হোৱা শিশুসকলৰ খেল-ধেমালি প্ৰতিযোগিতাৰ বটাঁ বিতৰণী সভা অনুষ্ঠিত হয় । বঁটা বিতৰণী অনুষ্ঠানত কলিয়াবৰ ৰাজহ চক্ৰৰ চক্ৰ বিষয়া পাৰ্থপ্ৰতিম বৰ্মন, মহকুমা দণ্ডাধীশ দেৱসেনা বৰ্মন, কলিয়াবৰ আহোম ৰ'য়েল চ'ছাইটিৰ সভাপতি ধ্ৰুৱজ্যোতি বৰগোঁহাইৰ লগতে উপস্থিত থাকে কলিয়াবৰৰ বহু কেইজন গণ্যমান্য ব্যক্তি।